Thursday, August 04, 2005

اني اختنق


حاسه احساس مش عارفه اذا كان احساس ولا لأ
يعني حاجات بتوجعني في بطني
والغريب انها بتتنقل
يعني بتتسكع على حسابي
بمناسبة على حسابي دي
احب اقولكوا ان حسابي ولأول مره ملياااااان
مش فلوس طبعا انا ما ليش في الماديات
انما مليان تقدر تقول حضرتك لو انت مش من جردل سيتي ..سوري اقصد جاردن سيتي
مليان بلاوي..يعني حسابي عسير
ربنا يستر على الصبح لما حصحى وألاقي البيت مشطشط
على فكره مشطشط جايه من كلمه شطه ودي تفرق عن كلمه مطشطش لأن كلمه مطشطش جايه من الطشط ..بتاع الغسيل والذي منه
ودا كله غير كلمه مطرطش جايه من الطرطشه
لكن الطرطشه ليها علاقه طبعا بالقضيه اللي قدمكوا
يعني واحد كان بيرش ميه وطرطش شويه بلاوي عليا
يعني بتتحدف من فين ما عرفش..على رأي اخويا الله يحفظله لسانه
هي المصايب بتيجي منينا داهيه
وادينا بنتعلم
...
بالمناسبه هي صحيح ما لهاش مناسبه يعني
لكن عدوها..دا انا غلبان...
سمعت النهارده كلمه جننتني
اسألوني هي ايه؟
ماشي حجاوبكوا
كل انسان ميسر الى ما خلق من اجله
يعني بفكر لسا في معناها
....
العبد لله
>>>>>>>>>>>>>>>>>>>>>>>>>

المشكله تكمن في ان السيد الوالد مش وزير
ولا مثقف ولا رجل دين ولا اي حاجه
المشكله تكمن في ان السيد الوالد هو سيدي الوالد
حبيت اقول كدا حته من حاجه العبد لله برده هو اللي مألفها
....
دا الواحد شاب وكل شعره فيه بتقول ..
دا انا كنت ليل..دا انا كنت ليل وفي العتمه وحول ووحوش وصوت ..
بس يا خساره كان صوت منحول
يا عم ولا يهم ..دانا هنا عشان اوعيك
الأصل اصل ..ويا شكري فضينا بقى من حكويك
دا الملك انكش
والورق اتقش
ولساك في القهوه بتحكي حكويك
اشي سينا والتحرير ..وفي اصل وفصل اراضيك
..
يا ولاد فوقوا ولا مش فضيين
غير للهشك والمزامير
غير للب ..والحلوه عليا مالت او حتميل
يا ولاد ولا مش فيئين
غير للفول فول يا سوداني
والنبي يا حسن استناني
وعسكر عسكر يا حلوين
..
ما فعلا عسكر عسكر بس يا نيمين
امتى تفوقوا بقى من التنويم؟؟

..........
ليه بدايه وليه نهايه لكن وقت نومي قرب ومش مركزه
معلش ..عدوها المرادي
دا انا برده غلبااااان
...
العبد لله

2 Comments:

Blogger la7n said...

اني اختنق..وسادتي تأهبي لتأخذوني في احضانك هذا المساء

6:47 AM  
Blogger حَارسُ الهاوية said...

إني هنا .. فلا تحزني يا غريبة

11:04 PM  

Post a Comment

<< Home